ADVERTISEMENT

This area is available for advertisement. Please contact for details.

Arnivang
Get Adobe Flash player

Langhin along World Youth Skill Day katalon

IMG-20180721-WA0038PHULONI, Jakhong 21: Shree Shree Rural Development Programm Trust, Langhin centre patirpisi pini Langhin College conference hall along Assam Skill Development Mission pen World Youth Skill Day katalon. Kedamtang Jakhong niphai 15 arni pen erui apharman pirthe adangpi kaprek-kaprek adim along ta aningkan vang laso asai kedeng along pacheton dunsi Langhin alongta talon dunlo. Todap adap porphai kep pen kapangcheng asai angdeng along arjan kihi, lamjir ketok lapen lam kachethak chepate. Arnikangsam porphai hini pen kangni rat amai along Richard Basumatary mai chepahemphu lapen Langhin College principal Dalsing Basumatary alohi sarpo aman pen chetong dunsi Assam Skill Development Mission Karbi Anglong pen Dima Hasao district hini Project Manager Sarbajong Hanse, All Bodo Students Union (ABSU) Karbi Anglong district ameiphu Tanuram Daimary, dun meiphu Hanuram Goyari, sankur chunbang Joy Bhadra Basumatary, Bodo Women Welfare Council ameiphi Lila Daimary pen danglok ongdung hamphang asong jabang atum chetong dun.
Mai along Project Manager Sarbajong Hanse kaningje ke, non akai ahut voreng kave lapen chokamar kelong dunde ariso-nimso atum aphan avarsai  mate methang akengtong karjap thekji aphan un-anke bor-isi kaprek-kaprek adim along seke pen danglok cheroktok asai denglo pusi ningje. Lasonsi kachetong dun alohi atum pusetame sai keklem ahin chepaduksi methang akeng kacharjap thekji aphan bor-i nangji lapen avarsai keme alongsi cho-en dunthek nangji pusi pinkhat.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives