ADVERTISEMENT

This area is available for advertisement. Please contact for details.

Arnivang
Get Adobe Flash player

AR pen police saikhi atum bang 3 ZUF (K) klembang atum aphan kenep

JIRIBAM, Jakhong 21: Manipur, Jiribam alongri arlo PS Jirighat ahoi Ramgaijang village Part I along Theman asap apor Assam Rifles Kadamtala Battalion pen Manipur Police chelangsi bang kethom Zelianrong United Front (Kamson) klempar asong klembang atum aphan kenep.
Klempar atum kedo alam Assam Rifles Field Intelligence Unit (ARFIU) atumsi kapachini. Latum edon ahem kachepachong dam ahutsi kenep dun.
Kachingnang bang kethom aklempar atum ke Nagaland, Peren alongri arlo Jalukie arong asor Agaung Jeme (26), Nagaland, Peren alongri arlo New Beisunpui arong asor Azeu Pame (33) lapen Assam, Dima Hasao alongri Mahur asor Haisuive Pame (26) pusi pangthek.
German design Heckler Koch rifle ebong, magazine hini, pistol ebong lapen a magazine isi, hile amu lapen ason kaprek-kaprek ahormu long.
Kachingnang abangphu atum Jiribam-Tupul-Imphal railway line along monit kenep kanghu lapen tangka kehang heihui keklem dolo pusi pu.
Kenep long abangphu atum aphan risim pen-pen Jirighat Police Station alongsi hodai dam.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives