ADVERTISEMENT

This area is available for advertisement. Please contact for details.

Arnivang
Get Adobe Flash player

Tovar kapatang serakji aphan pusi ajo phirlo kelang dam

Diphu, Jakhong 20: Diphu kekrong put MG road atovar ajam kapathe asai keklem kapatang serakji aphan pusi Karbi Anglong Autonomous Council a CEM Tuliram Ronghang Delhi pen nang kachevoi ahut amethang ahem chepalele aprang tovar kaselamsi nang lang paprang lo.
Tovar kemesenji lapen ajam kethe-oh kelongji aphan thengpi arong ta pi nang kok po pu mathasi tovar ajo jirlo apor Diphu ahithi Atur kimi Shoping Centre athengno malom kedo athengpi heihui pakrep lo. Laso alar akaprek athengpi aklim eh thu nangpo puta alangli ningje.
CEM Tuliram Ronghang tovar kaselam kelang dam ahut Karbi Anglong Autonomous Council a Deputy Chairman Ritesh Inghi, EM Amarsing Tisso lapen kaprek kaprek man kedo abangphu atum chetong dun.
Tovar kaselam bom ajok rat atum hithi angbong kacheleng akatora chetong nang lo, lasi lahai akatora pen kapajokji aphan pu CEM mathasi prapjin tovar kapatangji aphan KAAC pen bor-i bom lo.
Pinpurme, todap porphai 9 apor pen CEM Tuliram Ronghang lapen achor Kache Teronpi, anparta KAAC EM Amarsing Tisso atum pen Rongpharpi Rongbe pen Diphu Civil Hospital adak kaselam bom atovar along paver block kapangni langdam, laso aphi alangli tum pen Assam Hills Medical College & Research Institute atovar kaselam lapen dong kaselam heihui ta lang dam.
La-an chot kali, porphai 10 apor malom alangli tum pen Rongpharpi Rongbe pen Glass Corner adak divider lapen ekeng pen kedam atovar (footpath) kaselam heihui ta lang tekangsi. Aphi Matipung  kedamtang atovar along kaselam Aboretum cum craft Centre along mir ke-eh, thengpi arong ke-eh, Fountain kaselam, watch towar lapen cottage heihui alongta alangli tum lang dam.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives