ADVERTISEMENT

This area is available for advertisement. Please contact for details.

Arnivang
Get Adobe Flash player

PM Modi 2014 aningkan pen non an angtang adet kedam pen sika 1,484 crore atangka padam lo: Centre

PM Modi, 2014 Aru achiklo pen non an phong 42 foreign trips kedam pen det 84 humri dam lo

NEW DELHI, Jakhong 20: 2014 aningkan Aru achiklo pen prime ninister Narendra Modi det 84 kahumri dam ahut chartered flight apharman loksi sika 1,484 crore atangka padam lo. Aircraft maintenance lapen hotline facilities heihui apharmansi lahai atangka padam lo pusi government pangdak.
PM Modi angtang adet kahumri dam ahut tangka kapadam aphai (foreign travel expenditure) Rajya Sabha along Minister of State for External Affairs VK Singh pensi kapangdak.
Kapangdak atengke sika 1,088.42 crore atangka ke prime minister a aircraft maintenance aphansi padam lo lapen sika 387.26 crore atangka abangke 2014 aningkan Vosik 15 pen 2018 Vosik 10 angbong chartered flights apharmansi padam lo. Hotline apharman kado-kave tangka kapadam aphai sika 9.12 crore pusi pangdak.
2014 aningkan Aru achiklo Modi, prime minister anghoi kangni pen phong 42 angtang adet kedam pen det 84 humri dam lo.
Pini Singh kapangdak along 2017-18 lapen 2018-19 aningkan angbong alang hotline facilities apharman tangka kapadam aphai paklang ponpe. Sonsi, 2018-19  aningkan angbong chartered flights apharman tangka kapadam aphai ta paklang ponpe.
Singh kethan atengke prime minister Modi angtang adet kedam aphong ke-ongnei ke 2015-16 aningkan alang det 24 humri dam. Adun ke 2017-18 aningkan alang det 19 humri dam lapen 2016-17 aningkan alang det 18 humri dam.
2014-15 aningkan PM Modi det 13 humri dam. 2014 aningkan Vosik achiklo Bhutan helo alang angtang adet kahumri damcheng. 2018 aningkan alang det 10 humri dam lo lapen kapadusi ke kedamtang achiklo China kedam helo.
Angtang adet kedam chartered flights ador 2014-15 aningkan sika 93.76 crore, 2015-16 aningkan sika 117 crore, 2016-17 aningkan sika 76.27 crore lapen 2017-18 aningkan sika 99.32 crore atangka chartered flight apharman padam lo.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives