ADVERTISEMENT

This area is available for advertisement. Please contact for details.

Arnivang
Get Adobe Flash player

Pachinine pin pen lang keloleji aphan CM kapinkhat

NEEPCO authority aphan CM Sonowal kether

GUWAHATI, Jakhong 13: NEEPCO Ranganadi a project pen kedamtang Lakhimpur district along kephotang lang kanglum aphuthak chief minister Sarbananda Sonowal ardi pisi NEEPCO authority atum kedamtang arni kechokche ason puthot kiruithuthe detji aphan sodak kether. Administration pen rat aphan aprang pen pachinimek kave det ajok kedamtang apor ahut NEEPCO atum men-men lang kelo pen Lakhimpur district arlo lakh-lakh amonit atum kisung pho nang lo puta chief minister Sonowal ningjesi halahai kisung kepho arat atum aphan NEPCO atum ta arpu do athe alanglitum kechokche ajoinesi lapuson kisung pho nang lo. Lang kekhangji aphan thangnat avarsai klemkle pin pen lapuson thedung lang keteng a project kedeng aphuthak lang parsiksi chief minister Sonowal kaningje thuke NEEPCO atum lapuson arpu kache-en pamekake det ajok Pre, Phaikuni achiklo nanglele tik ke Lakhimpur arat kedo pathir longle ason mandet lo. Lasi prapjin pen NEEPCO atum labangso a project athak lang kekhangji aphan reserver kaselamji aphan sai deng nang po puta pinkhat. Kevangji arni jongsi lang kelo pen rat atum kisung kepho dokok pulote NEEPCO atumsi kerap pi nangji puta NEEPCO authority aphan chief minister pachisik toi. Lakhimpur deputy commissioner conference hall along kangni kachingvai amai along chief minister kaningje ke lang kanglum kisung kepho arat atum aphan kaselampi inghan pen kibui kachepachong athai (Platform) do-an poka selam et nangji pusi district administration atum aphan pinkhat. Lang kanglum ahut lapen lang kesan ahut ok pran kelang asaikam pen arong-arong lut damsi seh lang nang po puta chief minister Sonowal pinkhat lapen marat-mareng api keraikomji aphan ta Veterinary asaikam aphan sai deng nangji pusi pinkhat. Halapu lang kanglum ahut meh rihing pen apran kapadam longle detji aphan ta APDCL atum cheroktok nangji lapen district arlo kedo-an rihing ari heihui kelang chariji aphan pinkhat. Lasonsi lang kanglum ahut sankur arat atum kisung kephophe detji aphan chief minister Sonowal ardi ensi kachingvai amai along penang an alam pinkhat tekang.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives