ADVERTISEMENT

This area is available for advertisement. Please contact for details.

Arnivang
Get Adobe Flash player

Langpherpi arat song 24 atum kachesong along karjap dunji aphan kachechak

Diphu, Jakhong 20: Pini Langpherpi (Borlangpher) ahavar pathu aklam along song 24+ Lumbajong Sub Committee aro atum patirpisi rat amai mate cheroktok amai pangni. Albert Ronghi kachepahemphu Song 24+ kachesong arat amaipi along Song 24 abidisar JI Ingti Kathar, Convener Rotan Terang, Convener Rajesh Tisso, Convener (Regional party klembarim bangphu ) Jona Terang, Convener Angtong Ingti Kathar, Convener Dhormosing Teron, Convener Semson Teron, Convener Dipen Rongpi lapen Song 24+ kecheng pen pini an angdeng along kechepaduk krup pen keklem rapet abangphu anparta Langpherpi (Borlangpher) arat atum ongdung chetong dun.
Mai along Langpherpi (Borlangpher) arat aphan non Song ingkoi rapli 24+ kachesong bom aphuthak mate non kedo bom KAAC kacharibom asongjapo atum Sixth schedule aron ajakong ateng amena inglong aso atum aphan kacherai kom thekthe det ajoksi non ilitum ser anglong alongri along ason ason ahormo chepangbo lap lo.
Emena KAAC arlo voreng (Sakuri) heihui anta emena atumsi cheklem nangji seta angtan pen kevang akhei atum nang kelong dun lap lake emena ajakong cheraikom thekthe det ajok lo. Ilitum inglong aso atum vir rang rang angdeng nang kele long lok alamthe heihui aphuthak Song 24+ asongjapo atum pen than pajirmi lo.
Langpherpi arat atum 1952 pen pini an KAAC arta 67 nang pleng det tame KAAC kechari asongjapo atum kechokche det ajoksi ilitum inglong aso atum non pu anta kapa prang dun longji kalisi kapa phi dun lok langpu ning kepung chepa klangsi non Song 24+ atum hen lo ahok pet Karbi Anglong kathe-ang atovar kejapon thekji asong lo. Lasi laso kachesong chunche tik ke Langpherpi arat atum arvi-ar-eh chetevarve pin pensi nang arjap dunthip pusi mei along lamthe chepaklang.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives