ADVERTISEMENT

This area is available for advertisement. Please contact for details.

Arnivang
Get Adobe Flash player

Jakhong achiklo arni angtang keso sankur arat aphan padosojo

DIPHU, Jakhong 20: Ningkan isi angbong pen Jakhong achiklo henlo kaphang-ok nai achiklo pusi hoklo laso ajoine school heihui anta laso achiklo ejonke ingkir nangkok titilo. Setame non nini bak plengtanglo akele kaphang-ok pik ajok monit atum penang an aduk dolo. Jakhong 19 arni pen kecheng pini birta ketok apor ahut anta kaphang-ok kilit par ajok Diphu arongsopi alongta hangjo ja lo. Kachini dun atengke Jakhong 19 arni ke 40 degree Celsius  leroklo lapen pini abangke 38 degree an lelo. Nini angbong kaphang-ok ajoine monit atum hem pen kebar haihei samphridang asonsi thek long. Sai jokje kedam nangkok atumsi hong barchotlo. Halapu hithi malomta monit ing-arveng asonsi thek long.  Malomso aphan pusetame a-ok chepangsam dopji aphan pura sah kijun alar, lang kangsam mate cool dring, thesere-the kungbong alang pen danglok nemu alang, nok alang kijunsi chethor chethor lo. laso ajoine halahai abeha keklem atum penan an ale dolo lapen sah abeha keklem atumke ale kadure dokok lo. Nini angbong kaphang-ok hem arlo lapen angtan thengpi arum along anta kedo un-eh hangjo jalo. Arni angtang keso-ong ajok atibinle do setame aluk abang kedokok ajok aduk dovoi vailo. Halapu fen heihuita ale pipe pinlo pusi penang an atum chethan lapen kaike amat hem arlo lapen gari arlo AC atemon kachophangver atumta non ephongke kapahang-ok chechak nanglo puta kipu atum do lasi non laso ateng phang-ok ver pulote monit atum keso ki un-eh pen danglok ason ason akisung pen chetong nangji. Komantusi arve nangkihirijima pu aphansi anutinta sining angsong cholangpronglo. Arvele nangkihir pulote kapahang-ok pen masapso jokpo lapen langta londunpo pusi ning chethe hurlo.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives