ADVERTISEMENT

This area is available for advertisement. Please contact for details.

Arnivang
Get Adobe Flash player

Block-I along km 14 arlo Meghalaya asor nanglutsi ongdung kachingthur asai keklem

Karbi Anglong alongle arlo kedo don 931 Chomang atum NRC along amen chethap dunde det

VOTHATLANGSO, Jakhong 20: West Karbi Anglong district Assam-Meghalaya ahoi Block-I  along km 14 arlo Meghalaya asor atum nanglut lo. Ahoi along kedo Assam mate Karbi Anglong arat atum kapachini atengke, Meghalaya no. 9 Muwati LAC constituency MLA fund pen km 14 arlo Assam alongle arlo nanglutsi Umteli pu along sika 15 lakh atangka pen kapathu aklam kaselam, sika 7 lakh atangka pen tovar kaselam, ihum school pen danglok ason-ason kachingthur asai klemsi MLA amen ketok thedung cement pen kaselam tarphek som lo. Halapu Chilimaou along SSA pen sika 10 lakh atangka pen school ahem anparta km troksi nanglutsi 27 lakh atangka Community hall kim lo. La anchot ta kali Umteli aroi athak sika 99 lakh atangka pen dolong kedenji aphan chisik bom lo. Non Jakhong achiklo 30 arni NRC final draft list paklangpo setame laso NRC along Assam arlo kedo don 931 Chomang atum amen chethap dunde det lo.  Alanglitum ke Meghalaya asorsi chekronglo lapen kilik ahut ta Meghalaya alongsi vote ta jok dun bom lo. Laso atengsi Havang along don 76, Umteli along don 87, Khilimbang along don 130, Moput along don 40, Tharkang along don 34 lapen Sabuda along don 130 NRC along amen chethap dunde det lo. Meghalaya ahin pen lakh atangka a solar pen chenglok ason-ason ahormu Chomang arat aphan pibomlo setame Assamese, Karbi lapen Nepali pen danglok laso kaprek kaprek akhei arat atum aphanke pipe det lo. Jongsi lahai kerap ahormu nangji pulote epak kachetok aloh pen Meghalaya abe kidun penang an alam chetok nangji. Setame ahoi along kedo Karbi, Nepali arat atum methang jong-jung aphan chemathathe pin pen khei longrisi kethelang pu ajok khei ahotur asai non puta klemkle lang lasi Assam lapen Karbi Anglong ratpangri atum ahoi along prapjin pen kachingthur asai nangdeng nangpo pusi ahoi kedo arat atum choningri.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives