ADVERTISEMENT

This area is available for advertisement. Please contact for details.

Arnivang
Get Adobe Flash player

Assam Rifles abitung aphan klempar katengkheng, inut areng keso

IMPHAL, Jakhong 20: Manipur, Chandel alongri arlo Joupi along Theman adap apor honthe meme NSCN(K) klempar asong klembang atum Assam Rifles abitung aphan katengkheng.
Chandel Superintendent of Police Angam Kameie kathan atengke areng keso AR saikhi amen Appu Barma pusi pangthek pusi pu. Areng keso asaikhi aphan Imphal West alongri military hospital alongsi seh kelang aphan kepon.
Assam Rifles saikhi atum Joupi along akeng pen patrol kedam ahutsi remote-controlled bomb kangbop. Bomb ingbop det pen klempar asong klembang atum semi-automatic rifles pen apsi pu-pu angbong chetengkheng lo.
Laso alam aphuthak non amat madu asong ta adai che-en-e lang.
Kedamtang 2015 aningkan Vosik 4 arni ta Chandel alongri arlo NSCN(K) pen kaprek klempar asong atum pen cherapsi Dogra Regiment abitung aphan katengkheng ahut bang 18 raikom saikhi apran padam.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives