ADVERTISEMENT

This area is available for advertisement. Please contact for details.

Arnivang
Get Adobe Flash player

Ahokhe pharmacy atum aphan puthot tarlip thu nangji: AASU

IMG-20180720-WA0032Diphu, Jakhong 20: AASU Diphu Regional Students Union, Karbi Anglong Administration lapen Inspector of Drugs atum chelangsi pini Diphu ahithi angkang kedo ahokhe pharmacy katarlip asai deng lo.
Laso ateng Diphu ahithi along katarlip ahut penang ahokhe registration pen kangpu apharmacy long lo. Drug Inspector katarlip aphuthak AASU Diphu Regional Student’s Union atum ning ingsamse lasi puthot tarlip thu nangji pusi hangthu lo. La-an chot kali Karbi Anglong angkang kedo a pharmacy do-an atum registration no. chetoksi tarpangthek chetarvek nangji puta AASU Diphu Regional Student’s Union atum hang.
Pinpurme, kedamtang Jakhong 3 arni AASU Diphu Regional Students Union atum pen pinpur aloh kapajir dam atengsi Diphu ahithi along ahokhe apharmacy aphuthak katarlip asai deng lo. Laso ahut ajahak a pharmacy atum Drug Inspector kevang pu alam kelong pen pharmacy chinghap kling asonsi thek long.
Administration, AASU Diphu Regional Student’s Union atum pen tarliple tik ke Chetry Medical C/o Hari Prasad Store pachingpu longle det nangji puta AASU atum kehang paso.
La-an chot kali pini katarlip asai kedeng ingvai soi-soi asonsi theklong, lasi kevangji arni prapjin pen Drug Inspector pen puthot patarlip thu nangji pu heihui alam jong dunsi AASU Diphu Regional Students Union atum pen Karbi Anglong a Deputy Commissioner arideng pinpur aloh puthot pini pajir damthu pusi AASU Diphu Regional Student’s Union ameiphu Shymanta Gogoi lapen chunbang Shorjun Hanse atum birta nang pale.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives