ADVERTISEMENT

This area is available for advertisement. Please contact for details.

Arnivang
Get Adobe Flash player

Florida along plane hum ni kachetong; bang pli kithi

Washington, Jakhong 18: US state Florida along plane humni thengsong kachetong ajok bang pli apran kedam dolo. Plane kapangjar kacharli ahutsi hum ni a plane kachetong. Kiritarlip atum kechengsi ke bang kethom kithi arpum ansi longchot lang. Kangting ajok kiri asai ington kok si puthot arni kiri damthu ahut inut kithit aprum long thu. 911 caller atum kapangdak ke arni tili 1:00 malom thengsong along kangbop theklong pusi Miami Dade police than. Bang hini kithitang atum aphan ke meh kechotang a plane alongsi kelong. inut abang aphan kelongthu lake ahum kaprek meh kechotang arot longsi longlo pusi pu.
Laso a plane kapangjar kacharli ahutsi kachingkoi. Ladak hum ni a plane along ta pilot inut lapen kacharli dun atum inut-nut kachethap dun do pusi Miami-Dade police Alvaro Zabaleta ningje.
Miami Executive Airport pen kehelo mile 9 adim si laso a plane kachingkoi pusi Federal Aviation Administration kapangdak. La hum ni a plane ta Dean International Flight School pensi kepangjar pusi Miami-Dade Country a Mayor Carlos Gimenez than. Kachetong hum ni a plane ke Piper PA-34 lapen Cessna 172 aircraft pusi FAA pangthek.
National Transportation Safety lapen FAA atum kachingkoi aphuthak ritarlip pado bomlo.
Kachingkoi pen apran kedam bang pli atum amen Jorge A. Sanchez (22), Ralph Knight (72), Nisha Sejwal (19) lapen Carlos Alfredo Zanetti Scarpati (22) pusi Miami-Dade police pangthek.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives