ADVERTISEMENT

This area is available for advertisement. Please contact for details.

Arnivang
Get Adobe Flash player

Kitinthap aphuthak Panjuri along cheroktok amai kangni

IMG-20180711-WA0027BAKALIA/DEN ARONG, Jakhong 12: Kedamtang Vosik niphai 8 arni Dokmoka police station angkang Kangthilangso alangsun adung Panjuri Kachari arong along kitinthap pen bang hini Guwahati asor Nilotpal Das pen Abhijit Nath atum apran dam nangjui lo. Laso aphi Karbi Anglong administration atum halaso atalom along kitinthap mate kahonthe thap aphuthak kapapraiji aphan sai kedeng pasik lo. Laso atengsi Karbi Anglong administration atum kelang chari dun pen Panjuri atalom along kedo-kethak amonit atum angbong kitinthap ason ning arlo pen pahelosi science technology ahin aning kirung thekji aphan Greater Dengaon Concise  Society seng lo. Laso a Society pensi pini Panjuri ME School along kitithap lapen kahinthe thap aphuthak cheroktok amai pangni lo. Labangso amai along Panjuri atalom Adai Hanse arong, Panjuri Kachari arong, Kaibong Kro arong, Rongchehon arong, Singnar arong lapen Chomang Rongpi arong pen danglok rong sirkep arong arat atum cheto dun. Dokmoka police station OC JS Khubung chetong dunsi Panjuri along alamki along kacherap dun atum ahokpet akangsai long po lapen kitinthap-kahonthe thap pen chepahelosi rengdok-rengni pen kedoji aphan choningri. KLA ameiphu Suren Kramsa, Bukul bata anong-eh kelong bangphu Jorsing Bey, rat asai klembang Dhan Sarma, Babulu Basumatary, Subrata Das, Aroti Ingtipi lapen Bikram Terom atum alohi aman pen chetong dunsi kitinthap lapen kahonthe thap aphuthak rat anglum cheroktok kevanji aphan ning hang chepaklang.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives