ADVERTISEMENT

This area is available for advertisement. Please contact for details.

Arnivang
Get Adobe Flash player

Dongkachingthu High School along Amar Gaon, Amar Achoni a seke kapajut

IMG-20180712-WA0018Den Arong, Jakhong 12: Korkanthi constituency angkang Dongkachingthu High School along Karbi Anglong district EC, SIPRD Amoni atum pen patirpisi Dongkachingthu High School along ni thom apharman ‘Amar Gaon, Amar Achoni’ aphuthak seke kipi. Kedamtang Jakhong 10 arni pen kecheng seke ajaimek pini Jakhong 12 arni mesen pajut lo.
Bangso asai kapachunji apharman kecheng arni Korkanthi constituency MAC EM Raju Tisso arideng pen ingpusi seke pangcheng lo. Ni thom angbong klardak pen block asaikam along kopipisi kedoma lapen rat atum kachini dun dak nangjima aphuthak Muteram Rabha pen Julie Tokbipi atum than. Alanglitum kethan ke ‘An overview and implementation of the rural development programme’ MGNREGA, NEET, and importance of preparation of “Amar gaon Amar achoni VDC development plan aphuthaksi than pachini lo.
Lahai scheme along kopipisi kedo lapen kopusonsi keklem nangji pu heihui alam ta than pachini. La-an chot kali Block along kopisi kedo lapen kopipisi keklem kachini pameji aphan anuttin ta kenangsot ahormu pangrum nangji pusi than paklar lo. Ni thom ajaimek along EM barim Kangbura Tokbi, VDC chairman Khogen Tisso, Samelangso block ameiphu Chondra Ingti lapen Doloi Ingti atum kecheng arni pen pini anta chetong dun.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives