ADVERTISEMENT

This area is available for advertisement. Please contact for details.

Arnivang
Get Adobe Flash player

Den Arong along rong asar amai kangni

DEN ARONG, Jakhong 12: Pini Dengaon HSS along rong asar amai kangni. Pinpurme, kedamtang achiklo Vosik 8 aningve Panjuri Kosari arong along alamki pen haladak ahavar arat sarpi-sarphu pen danglok klimsomar atum kaphere ajok kedo-kedam anparta inglong-thoi arit kedam ta akasiksak dolo. Karbi akhei do an atum penta kamatha dun nangkok aphuthak lapen lamki kapangthirji aphan pini amai along Karbi Anglong ahamphang 13 atum chingrum pen chingki-chingvaisi mei seng lo. Mei keseng amai along KAKA ameiphu Jonasing Teron, JACAS convenor Khorsing Teron, KLA ameiphu Suren Kramsa, KSYC pen Borsing Kro, Dhensing Ingti, KFA pen Samsing Hanse, Tingku Ingti, Rong asar ameiphu Rupen Hanse,  thanbang Dhoneswar Teron, Pansing Kro, Niasing Singnar, Budho Terang, Bipul Tiss lapen Jorsing Bey atum chetong dun.
Mai along chedonsar pen Den Arong pen Kangthilangso an apharman lamki kesaiji aphan mei seng lo. Ramsing Kro, Jorsing Bey, Ranjit Ingti, Sukuram Bey lapen Babu Timung atum aphan bidisar arpu pek lo. Mensing Bey aphan meiphu, Thengkursing Rongpi aphan chunbang, Longbini Rongpi aphan dihin rimbang arpu peksi kado kave klembang pen-pen bang 45 men thapsi mei seng lo.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives