ADVERTISEMENT

This area is available for advertisement. Please contact for details.

Arnivang
Get Adobe Flash player

Chingki-chethan pamesi ahoi alam chepangsam nang po: WKA DC

Diphu, Jakhong 12: Assam pen Meghalaya ahoi kedo Block 1 pen 2 malom temon langno japsi Assam arlo Sabuda along ketar welcome gate komatne pangthekthe atum Durmi arni phalangno tekang dak lo.
Sabuda along kedo arat atum kethan ateng ke kado kave hum ingkoi sose a gari vangsi laso a welcome phalangno tekang lo. La-an chot kali pangthekthe atum pen ingnam raikom asaihem ta meter 10 anbak Border Outpost a police atum athengno amatsi phalangno tekang.
Border Outpost along police asaikhi kijumhek ajoinesi laso asailangno keklem ahut thang ta klem dun un-eh do nangjoi pusi karju ahut officer incharge ningje.
Pangthek thekthe atum bang 300 sose. Laso ajoine sai jokje do dun nang joi lo puta Sabuda Border Outpost a officer incharge than.
Pinpurme, kedamtang chiklo ejon aprang ta suri rong arat atum vangsi Umru-2 along BOP khang dun chek lo.
Ahoi along lapuson atemon kejap abirta longsi deputy commissioner kapinkhat ateng japonsi Hamren SP pen magistrate atum ta tongsekot adim along atumi humri dam lo.
Komatne angbong nang pachejok dun longle detji aphan non kevangji Jakhong 20 arni Sabuda along Meghalaya asor atum pen isi kangtui angdeng amai pangniji. Meghalaya asor atum pen ahoi along monsam kapadoji aphan bor-i nangji lapuson komatne angbong nang keklem dun pen anghoi along soluk-sodak atemon kapavang asai klemkle det nangji puta deputy commissioner ningje.
Welcome gate pen ingnam raikom asaihem kaphalangno tekang pangthekthe abangphu atum Gorkha pen Karbi arong do-an cheterek serak nangji athe lake Ri-Bhoi district ahavar pusi ther tekang puta rong arat atum chethan.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives