ADVERTISEMENT

This area is available for advertisement. Please contact for details.

Arnivang
Get Adobe Flash player

West Karbi Anglong district headquarter Donkamukam along keponji angring thetan lo: J.I Kathar

Hamren along sixth schedule aphuthak cheroktok amai kangni

IMG-20180711-WA0013HAMREN, Jakhong11: Sixth Schedule Implementation Committee (SSIC) patirpisi pini Hamren rongsopi Fishery Training Hall along arnisi apharman sixth schedule aphuthak cheroktok amai kangni.
KAAC No. 4 Socheng MAC Constituency pen karjapdun (Contesting Candidate) Babu Teron kachepahemphu amai along SSIC bidisar Jones Ingti Kathar, Ronghang Rongbong Rong Arak pen Karbi Richo Ramsing Ronghang, Ingleng Meji, pherangke, duhuidi anparta KSA Hamren Head Branch ameiphu Prosonto Ingti, Karbi Anglong Rong Asar Amei (KARAA) sankur chunbang Dhonsing Ronghang, Rongkarbi Rong Asar Jeng Inghi, SSIC ameiphu Semson Teron, MAC barim Chandrasing Ronghang, rat asai klembang, rong asar atum pen danglok Hamren arlo penang-an aman kedo arat atum cheto dun.
Laso cheroktok amai along SSIC bidisar Jones Ingti Kathar kejaike autonomous state pente sixth schedule ajakong the mulang, bonsetame KAAC kachari CEM, EM atum sixth schedule ajakong kachini kang-ar ajok jakong cheharjak thekthe det lo. Laso ajoine pini arni Karbi Anglong arat asontin akisung chetong nang koklo. KAAC ke sixth schedule ajakong do puvoiphit setame pini arni CEM, EM lapen MAC atum kilik kachedan kehai dun inut bang hini atum kipu ke ” Ne kehei ke Karbi atum a vote pen kali Bengali, Bihari, Nepali a vote pensi kehei puta kipu atum do. Setame latum ke aprang kachecharche asongja atum lo. Lason jongsi klembom dambom pulote mo -an ke Karbi Anglong arlo KAAC kachari CEM, EM, MAC atum ta Das, Gohain, Thakuria, Chetry pusonsi Council along nang ingni po pusi sixth schedule aphuthak Kathar asangho than pachini.
West Karbi Anglong district ahempi Hamren rongsopi angkang tovar, meh, lang kave, network kave aphuthak ratchari atum kapanungkuk alam jongsi rat atum cheroktok ave pulote district headquarter Donkammukam along kepon detji angring the-olo puta J.I Kathar ningje.
Karbi Richo Ramsing Ronghang kejai ke KAAC kachari atum nahok rat amaipi kangni along ta emethang alam chibikok bang akhei alam kaningje abang chelar nangji lapen Karbi atum kachehang pei po adim ma, papa pu kehang ebe chinghoihe det nangji. Jutang- jubat pindeng-sumpot kachingthang aman chepi nangji pusi ningje.
Pini amai kangni along sixth schedule kapangtanji aphan convenor kangvai ke Socheng constituency pen Rostom Ronghang, Abu Kro, Prosonto Ingti lapen Hamren constituency pen Topaz Teron, Chandrasing Ronghang, Sar-im Rongphar, anparta recording chunbang Kenson Kathar atum aphan ingvaisi kevangji arni Hamren rongsopi angkangpi sixth schedule ansose kapangdang thekji aphan ning chethe rinti.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives