ADVERTISEMENT

This area is available for advertisement. Please contact for details.

Arnivang
Get Adobe Flash player

Mondeep Singnar pen KSA Chinthong aro chelangsi tovar kacheselam

Diphu, Jakhong 11: Mondeep Singnar pen Chinthong KSA aro chelangsi Jakhong 10 arni Chinthong constituency kaparlo Singdoloi pen Malongkisir Bongrung arong adak Km 5 ajak tovar kaselam.
Kedamtang ningkan 15-17 aprang pen laso adak barla apor lote kanglit-kangther pen ajok kaita gari cheleng un-eh akisung pho bom lo. Setame KAAC kachari jabang lapen PWD arpu kedo atum pini arni anta thangnat ardi kipipe det ajoksi methang jung jung akhi pensi tovar cheselam nangkok lo pusi alanglitum ningje.
KAAC CEM, EM, MLA, MP penle laso atovar kaselamji aphan tangka nangkipi kali, methang jung jung chirisi pini laso atovar kaselam pusi Mondeep Singnar pen KSA arisangho atum ningje. Chingthong Constituency apharman kevangji arni mate non pariborton aratpangri atum kachingthir asai nangkeklem piji aphansi chonigri lo lapen ladak MAC mate KAAC EM Prodip Rongpi setame methang constituency apharman kanghon kajinso pathe pen ardi pidunpo pusi ning thelo.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives