ADVERTISEMENT

This area is available for advertisement. Please contact for details.

Arnivang
Get Adobe Flash player

KSA Aro arpu kachelar amai kangni

DIPHU, Jakhong 11: Karbi Anglong ahavar khei, jutang-jubat, pindeng-sumpot lapen toklang ahin kepaprang dunji aphan kamatha pangching akemangsi pini Hanlokrok along KSA Aro akimi arpu kachelar amai pangni. Mai along KSA central committee meiphu Semson Teron alohi aman pen chetong dun lapen alanglilong kacherap dun KSA klem rap pet abangphu Bisawjit Teron, Rensing Rongphar lapen Babu Rongpi atum chetong dun. KSA ajakong kepangtangji aphan arsik krung pen chingvai-chingsai asai deng pen KSA alam aphuthak chethan.
Mai along penang an chingvai patep det aphi puthot Hanlokrok KSA Aro amei kachariji aphan arpu kimi chelar. Chedonsar pen Michael Terang aphan meiphu arpu pek lo. Lasonsi Sampri Phangcho pen Rejia Rongpharpi atum aphan dun meiphu, Jikulin Tissopi aphan chunbang, Rupta Tissopi pen Angtong Teron atum aphan rap chunbang, Jablin Tisso aphan dihin rimbang, Joyson Ingleng aphan saihem chunbang, Ajanta Rongpharpi aphan jutang chunbang, Nirmal Bey aphan cherap jutang chunbang, Bihuram Ingleng aphan pathu chunbang, Bor-im Teron aphan chunbang I/c education, Robin Ingti aphan pachethang chunbang lapen Probhat Teron aphan sikdang chunbang arpu peksi song kapangtangji aphan mai kangni pachun lo. KSA ameiphu Bisawjit Teron pensi mai kachepahemphu.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives