ADVERTISEMENT

This area is available for advertisement. Please contact for details.

Arnivang
Get Adobe Flash player

Jaipong Sports Association pen football kapathu angdung kiti

DIPHU, Jakhong 11: Jaipong Sports Association patirpisi Jaipong pathu aklam along pini football kapathu angdung kiti pathu lo. Angdung kiti along Kekang United FC pen Murong FC angbong si chepho lo. Pathu chengche aprang thanbang Ramsing Terang alohi pachini apor en. Diphu Civil Hospital a doctor Dr. Semsing Singnar alohi sarpo aman pen chetong dun. Anparta LTSA meiphu Tarun Kumar Basumatary lapen national referee Rajen Basumatary, KASA rap chunbang barim Konglong Kro lapen TAPNO level national football player C/O Tezpur Niyak Benzamin lapen state level cricket player C/O Tezpur Niyak Tinku Chetry, Karbi Anglong Chess cherap chunbang barim Borsing Kro lapen SGB Romen Rongpi atum chetong dun.
Lakhi Killingpi, Tina Basumatary, Dipali Hazuwary lapen Rasinja Rongpharpi atum kapathu ingsai dun lo. Jaipong Sports Association ameiphu Longsing Hanse pen chunbang Bikram Timung atum kejalin keme ajok laso ahavar kapathu ahin paprang dun bom lo. Apor ateng kapathu kehot along Murong FC atum kapathu kethekser ajok Kekang United FC aphan goal thom thap lo. Halapu kapathu kehot angbong Kekang United FC goal kachituji aphan penang bor-i lo seta ball ipum ansi chitu un chot lo. Gonesh than atumsi 2018 aningkan kapanong best team long dun lo. Kachetong dun alohi arideng pensi Jaipong Sports Association pen football pathu kibi angdung kiti kehai Murong FC aphan nong-eh pajir lo lapen kerem atum aphan kachetong dun alohi Tarun Kumar Basumatary arideng pensi nong-eh pajir lo.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives