ADVERTISEMENT

This area is available for advertisement. Please contact for details.

Arnivang
Get Adobe Flash player

Higher Education aphuthak vice chancellor, principal pen education minister atum angbong kachingvai

GUWAHATI, Jakhong 11: Education minister Sidhartha Bhatacharya pen state independent education minister Pallab Lochan Das atum pen Assam Rastriya Utcchatar Shiksha Abhijan (RUSA) patirpisi pini Guwahati Panjabari Silpagram conference hall along ave kiruithu amai pangni. RUSA kaparlo Guwahati, Dibrugarh University pen danglok state adangpi hum 150 college principal atum kacheto dun amai along alohi sarpo aman pen kachetong dun education minister RUSA atum kelang school, college asai heihui pen danglok kikim-kerang apharman kelong atangka mesen pen kapadamji aphan ardi pi. Tangka kapadam ahin kacherap kedo-an angthek apor ateng pen pajir nangji lapen asai keklem heihui aphuthak ta langchari dun pameka nangji pusi school college akehoi atum aphan pinkhat. Amethang ajakong (right) aphan chematha lokle ra  methang asai arpu kacheklem pamekaji aphan ta pinkhatsi kevangji arni loh kacharli ahin an sose kapaprang thekji aphan kado kaveta chingri pet pen sai keklemji aphansi minister choningri. Mai along education asaikam bidisar Dr. Mihir Kanti Choudhory, Cotton University Vice Chancellor Professor Bhabesh Chandra Goswami, education saikam principal secretary Ajoy Tiwari, RUSA Assam Director Madhurima Baruah atumta kacharli akrong kangthur ponji alam ningje. Laso amai along pacheton dunsi chihut-chiput asai ta deng. Laso ahut college principal atum ason-ason akisung kapangdak aphuthak education ministe pen kapachun piji aphan lapen kenangsot aphuthak than pare.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives