ADVERTISEMENT

This area is available for advertisement. Please contact for details.

Arnivang
Get Adobe Flash player

Chiklo 6 ‘Karbi Language Certificate Programme’ along men kachethapji aphan kachoningri aloh Jakong 12 pen deng po

Diphu, Jakhong 11: Chiklo jon trok Karbi Language Certificate Programme aphan Jakhong 12 arni pen amen kethap pangcheng po. Kithirthip saihem ave ako Thekar birta asaihem along kachoningri aloh dengbom lo.
Jakhong 10 arni pangdakdet aphi Jakhong 12 arni pen men kachethap pangchengphit po. Jakhong 30 arni amen kachethap ingtonsi Paipai isi arni pen loh kethan pangcheng po.
Karbi Language Certificate Programme along men kachethap dunji aphan men kachethap lapen Course anam sika 3,500 nangji lapen university registration, satlang ketok anam anparta certificate anam akapreksi pi nangji.
Higher Secondary asatlang ki-untang bang 50 atum aphansi ephong pon unchotji. Apun-achak kecho lapen  komatsi kapaprang halatumsi admission long paprangji. Kachoningr aloh kejok ahut kenangsot aloh (document) do-an pi dun nangji. Jasemetpet marksheet, pass certificate lapen caste certificate do pulote pi dun nangji. La-an chot kali men kachethap ahut ahok aloh (Original document) paklang nangji.
Pinpurme, Karbi alam kapachanji aphan pusi Dibrugarh University, Centre for Studies in Language pen Society for Promotion of Karbi Language (SPKL) atum chelangsi Karbi alam pen certificate course kacharliji aphan avarsai pi lo. Chiklo jon trok a course along ketok, lamlar lapen kosonsi kaningje nangji heihui thanji. Chiklo jon trok a course along course thom doji. Laso along 100 marks, kado kave 300 marks doji pusi pathik lo. Class  ke irui pen ni-ni, Bhomti pen Bhomkuru arni anarlo porphai 2 pen arnikangsam 5 an.
Laso a programme Centre for Studies Diphu aro pen Society for Promotion of Karbi Language atum pensi patirpi po pusi Centre For Studies in Language D.U a chairperson Prof. A Konwar pen SPKL Programme Coordinator Longsing Teron atum pachetak.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives