ADVERTISEMENT

This area is available for advertisement. Please contact for details.

Arnivang
Get Adobe Flash player

YouTube along kapachethang vek atum pen Athir Film Production angbong mai kangni

IMG-20180709-WA0044HAMREN, Jakhong 10: Athir Film Production Hamren pen kasonse kechengsi alam-arjan “Sining  Amanai” kedamtang Vosik niphai 13 arni pen YouTube along Ding-eh Music pen Karbi Creative atum producer atum aphan arjuje pin pen rat ahongjai along paklangham lo. Laso ajok bangso alam arjan kasonse vek abangphi Basapi Ingtipi aning kipung lapen ningduk chepaklang.
Laso aphuthak atumi Ding-eh Music pen Karbi Creative atum aphan hangdet si Hamren Fishery Training Hall along kangsai amai kangni. Khorsing Kro kachepahemphu amai along Athir Film Production pen aparta KSA, Longri Habe, Karbi  Film Society lapen ardi kedoklong Hamren cheroktok arat atumta chetong dun.
Karbi Creative pen Ding-eh Music atum kechokche alam chekobir ponlo bonta lusini chingvai det aphi setame producer atum aphan aning pangsam alam rip thekthe detlo. Producer ahin pen kechokchevek abangphu bang hini aphan kehot alamthe asapta kroikre thip lo. Laso ajoine puthot Karbi Film Society ahin pensi bangso apthuthak kapangsai thuji aphan pini amai along cherai.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives