ADVERTISEMENT

This area is available for advertisement. Please contact for details.

Arnivang
Get Adobe Flash player

Rongagora along KAGELYA atum annual sports week kapaman

IMG-20180710-WA0018Diphu, Jakhong 10: Karbi Anglong Gosner Evangelical Lutheran Youth Association (KAGELYA) atum patirpisi kedamtang Jakhong 7 pen 11, 2018 an ni pho apharman Rongagora Gel Church along kechengsi Youth Annual Sports Week paman.
Kecheng arni Rev. Barnabas Terang Arnam ardomsi kapathu kachepate pangcheng lo. Labangso kapathu kijui along Marathon kekat 9 km, kekat kachebai 100/200 meters, high jump, long jump, shotput, jevelin trow, kabadi, football lapen cricket heihuisi kapathu chepate lo.
Annual Sports Week 2018 along jasemet Bokajan Sub-division angkang Dalamara, Borpung, Tarapung, Kaziranga, Deopani, Rongagora, Japrajan lapen Balipathar malom ariso-okorjang atum kado kave bang 150 sose atum chingrumsi kaprek-kaprek kapathu chepate dun. Bangso asai along Rev. B.Terang, Rev. S. Taro, Youth Director Dr. Harsing Rongphar, SGB Junash Timung, rat sai klembang Alish Teronpi lapen man kedo atum chetong dun pen langchari dunsi tirikam ameiphu Rensing Tokbi, dun meiphu Rajib Bey, chunbang Samual Terang, rap chunbang Polson Terang, Thanpare Andrew Ingti lapen Ranjit Terang atum pachini.
Ni pho kapathu kachepate pining pensi pangcheng lo, seta kevangji aningkan pen ke aningkan vangta bipo pusi pachini. Moning Kaziranga alongsi pathik lo puta than. Jakhong 11 kapathu kachepate kijut arni kapathu tang along kehai atum aphan nong-eh pajir po puta tirikam atum pen pachini.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives