ADVERTISEMENT

This area is available for advertisement. Please contact for details.

Arnivang
Get Adobe Flash player

Lang ok along formalin, angtan pen kevan alang-ok kejor kekhang

GUWAHATI, Jakhong 10: Ongdung ning keter beha klembang pen company atum lang ok kejor amen pen bikar kedo chemical heihui pangvui dunsi rat aphan kejorbom alam hong-an nangkeklang rok ajok state ratpangri pen angtan pen nangkele alang ok kejor khangchek lo. Pini ok-pran kelang a minister Piyush Hazarika laso alam pangdak. Rat aphan lapuson ador kijum ahormu lapen keter akasa-ur ahormu kapajir aphuthak saikam asaiphu atum pen minister Piyush Hazarika along-along beha keklem adim mate kejor kelan adim humri dam. Laso ahutsi rat aphan kosonsi ning keter beha klembang atum hormu kapacho bom ma nangklang lo. Kedamtang Vosik niphai 29 arni Guwahati lang-ok wholesaler ahithi along laso aphuthak food security asaikam atum lang-ok asatlang kelangji aphan pangrum lo. Laso ahutsi angtan pen kevan alang ok along formalin ke-en pu angthek long lo. Pini laso aphuthak minister Piyush Hazarika pherangke amai pangnisi ni kep apharman angtan alang-ok kejor khang lo pusi pangdak.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives