ADVERTISEMENT

This area is available for advertisement. Please contact for details.

Arnivang
Get Adobe Flash player

Kado kave dhorom pen khei keraikomji aphan AGP klemji: Atul Bora

Haflong along AGP amaipi

IMG-20180710-WA0022GUWAHATI, Jakhong 10: Inglong ahavar Dima Hasao along AGP asong amethang ajakong kangtang chepaklang lo. Pini Haflong along kangni AGP rat amaipi along chetong dunsi AGP ameiphu lapen minister Atul Bora kejaike, jakong kedo regional asongsi state adangpi kado kave aphan ta pachingthur ponrap unji lapen inglong ahavar along prapjin pen kapachingthurji aphan ardi pipo pusi ningje. State adangpi kaprek-kaprek ahavar atum ason Dima Hasao ahavar along ta rat atum ason-ason akisung pen chesong nangbom lo. Lasi AGP pen Dima Hasao arat adung dodunsi kedo-an asai arpu cheklemji pusi Atul Bora ningje. Meiphu Atul Bora kejai thuke state adangpi khei barim atum aphan akisung nangkele ke aronre Bangladeshi aphai nangkebat lapen Citizenship Amendment Bill aphuthak inglong thoi along ta isivet karjap thip nangji apor lo. Kachingthur atangka mesen pen sai klem ansi kachingthur nangdo po puta ningjesi AGP asong kapangtangji aphan kado kave atumta nangcherap dun nangji pusi minister Atul Bora chonigri. Lason thak thaksi AGP jabang Keshop Mahanta, minister Phonibhusan Choudhory, sankur chunbang Kamalakanta Kalita, Utpal Dutta, Debojit Thaosen, Prasanta Warisa, Debraj Debragede pen danglok ongdung jabang atum ta inglong alongri arlo AGP asong kapangtangji aphan pinkhat. Pini kangni rat amaipi along ongdung Congress lapen kaprek-kaprek ratchari asong atum AGP along chingbe dun.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives