ADVERTISEMENT

This area is available for advertisement. Please contact for details.

Arnivang
Get Adobe Flash player

Howraghat Jamuna Group arta ningkan pho kepleng katalon

HOWRAGHAT, Jakhong 10: Howraghat along amahang kapathek Jamuna Group pu hamphang asong arta ningkan pho kepleng Jakhong niphai 8 arni Howraghat Pujabari along talon. Jamuna Group additional executive member Priyanka Bora kejalin along Assam Sahitya Sabha tiri rap chunbang Deben Kakoti melur kaisi katalon amai ingpu. Abhijit pen Nilotpal atum aphan ta Jamuna Group chief adviser pen melur kaisi chikimo jalin. Laso asai along pacheton dunsi Howraghat, Belgori centre pen HSLC pen HSSLC asatlang angthek keme abangphu-bangphi atum aphan karcho. Satlang angthek kemenai Nibir Mahanta, Kartik Saikia, Sanjoy Singh lapen Prantika Deka atum aphanta archo. Nonhetjong kapadotang NEET selection exam along un dunsi medical science along kecharlibom Era Dighalapani arong asor Jonardon Hazarika aphanta archosi a-ok apran me-oh-eh det setame HSLC along mesen angthek ki-un dun Murajhar Gyan Jyoty Academy charli bangphi Jebin Koch lapen Save the Tree Save the Girl Child athepi en pen Diphu pen Kashmir an Motorcycle Royal Enfield pen kedam-kevang abangphi Mira Kaur aphanta archo. Laso asai kedeng along Jamuna Group atum hamaphang aphan keklem-kedam asai amo kapaklang lapen kekan kilun pensi pachun lo.  Alohi aman pen Bhobesh Rajbongshi, Bimal Dhar, Rupa Devi, Prabin Nath lapen Narayan Saikia atum chetong dun.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives