ADVERTISEMENT

This area is available for advertisement. Please contact for details.

Arnivang
Get Adobe Flash player

Dhubri along BPF jabang aphan kereset arisim pen apran armut det, inut kachingnang

Guwahati, Jakhong 10: Sarbananda Sonowal kejalin Bharatiya Janata Party (BJP) government pen kacherap Bodoland People’s Front (BPF) asong jabang apran karmut det ajok Urmi arni Dhurbi along hur cho dut lo. BPF Chapar Nagar Committee ameiphu Ganesh Namoh Das (40) aphan inut Chakradhar Singh pu abangphu khukuri pensi katengkheng. Singh ke inut aronre pen hor kejor abangphu lapen Gossaigaon asachom Kharida arong asor.
Birta atengke Urmi arni anerlo 10:30 apor malom Singh aphan hem along kachetong damji aphansi Das hem pen barlo. Aphi latum angbong lam chedansi Singh abang Das aphan khukuri pen achethok lapen apok thu tekang amat katjui.
Adung arei kedo atumsi Das aphan Chapar FRU Hospital along seh kelang aphan ponlo. Areng keso ahir ketan rak ajok aphi Bongaigaon Lower Assam Hospital ansi pachepon thu. Bongaigaon along kele anke Das achethe ave lo pusi doctor kapangdak.
Halapu Chapar Nagar Samiti Ward Commissioner Mizanur Rahman kejalin risomar abitung atum Singh aphan nep dunchek si Chapar police arideng hodai. Police le dunde aprang hadak arat atum Singh aphan penang-an areng paso lo.
Chapar Police saikhi atum rat anglum pen Singh aphan pajok dunsi Bilasipara Police along an pon lo.
Singh aphan Dhubri police atum arju patertok bom lang.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives