ADVERTISEMENT

This area is available for advertisement. Please contact for details.

Arnivang
Get Adobe Flash player

Chinthong Constituency ke ajat ahinta kadure ajok rat kisung kachechak nang

DIPHU, Jakhong 10: Karbi Anglong district kelong arta ningkan 67 plengtanglo setame Karbi Anglong non-anta lang, me tovar, seh kachelang ahem pen danglok ason-ason akisung pen jok un-eh lang. Jasemetpet ke ongdung atok-ano rong-rup arlo non anta ratpangri akhi mate asimbon rat atum thek longle pin lang. Kilik apor ahut jabang atum aphan thek longji setame kilik jutdet aphi lote kethek longji kalisi kachingthur asai kedeng chimun isita theklongle pusi ongdung atok ano kedo rong arat atum akoi van. CEM Tuliram Ronghang kejalin KAAC BJP aratpangri mai-thai along Karbi Anglong pachelarji (Paribartan) pu ningjelo setame laso a Paribartan komantusi nangkelepo pusi atok ano kedo arat atum tovar cholang. Parobartan nanglele aprangsi rat atum penang an akisung pen chetong nangbom lo. Tovar, me, lang, seh kachelang ahem kave ajok kisung chetong nangpik lo. Lason thakthaksi Karbi Anglong 26 Constituency angbong pen Chinthong Constituency ta elong lo. Halaso a Constituency along non anta rat atum kisung pen jok un-eh lang. Tovar do setame gari cheleng un-eh, me rihing do chethor longle, PHE do lang jun longle, seh kachelang ahem do doctor atum ave, saihem do saiphu-saikhi atum ave. Lasonsi ongdung ahormu do setame kachiki un-eh det ajok rat atumsi sung bin lo. La kedotang ahormu anta komantusi paplengjima pu aphansi hadak arat ke tovar cholang ding lo.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives