ADVERTISEMENT

This area is available for advertisement. Please contact for details.

Arnivang
Get Adobe Flash player

Assam along so-arlo atum kejokvan ave pin lo, train arlo amat cholang remdetsi apran armut detlo

GUWAHATI, Jakhong 10: Assam along puthot katherak meme otlangno asai keklemthu. Inut loh kacharli aning kereset abangphi aphan pangthek thekthe ot langno atum kedamvoi a train along kachiti ahem (Toilet) arlo amat cholang remdetsi apran armut detlo. Birta kelong dun atengke adap porphai narkep apor Shivsagar train station along pen inut abangphi  Kamakhya Express along chethap dunsi Furkating an pura kedambom ahut komane ot kelangno abangphu atum train kachiti ahem arlo amat labangso a osopo aphan apran endet lo. A-osopi aphan achethok along poho pen kekokhet kithi arpumsi kelong.
Jorhat Agriculture University along inut aning kerepik abangphi lo lapen alangli kedamtang HSLC asatlang along phant 87 lapen HSSLC asatlang along phant 82 kelong dun abangphi lo. Loh kacharli ahin inut aning kereset abangphi apo chevoi tanglo setame apei abang ihum a school alongsi grad-IV achokamar si  choklem  dunbom. Inut aning kereset abangphi aphan lapuson  komat kopi aphansi kapathi lo? Laso aphuthak non hurisai asonsi dokok lo. Pinpurme Shivsagar station pen Simuluguri Junction kele damji aphan minute 17 vet kenangji. Setame lapu-an thihek apor angbong kosonsi labangso a osopi apran kedam longpop loma laso aphuthak monit angbong kahonthe ason dokok lo. Summer vacation ajoine labangso a osopi adap Golaghat aphi ahem kijui damji aphansi kebar setame kopai kelangno ajok lapuson alamki kepho nanglok abangke kado kave atum aphanta ning pahonduk lo. Labangso a-osopi apran kedamjui aphuthak Assam along ongdung hamphang asong atum chesongsi prapjin pen adai kedo atum aphan nep nangji pusi kehang. Halapu kedamvoi a train arlo amat lapuson apran karmut alamki dodet aphisi railway department along kechokche alam nangklang lo. Kamakhya Express along ticket kelang chari abang ave lapen railway security atumta ave pusi ongdung kachethap dun arat atum than.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives