ADVERTISEMENT

This area is available for advertisement. Please contact for details.

Arnivang
Get Adobe Flash player

Gymnastics World Challenge Cup along Dipa Karmakar gold kehai dun

Agartala, Jakhong 10: Tripura animso Dipa Karmakar puthot det aphan nongme kevanpi.
Turkey, Mersin along kibi FIG Artistic Gymnastics World Challenge Cup    kachepate Bhomkuru arni vault event along gymnast Dipa gold medal long dun.
Ningkan 24 arta kedo Dipa 14.150 score longsi gold medal kehai. Qualification round alongta Dipa si 13.400 score pen thak kedo.
Dipa ke longri aphan isi kemesen kaprek atum aphan ta aning kaparung atheng lo, kevangji arni ta alang ansose kemesen anong-nam kelongji aphanta hirjume pilo pusi Tripura chief minister Biplab Deb ningje. Kevangji 2020 Olympics ahut India apharman gold medal kevanpi longji aphan State Government pen alangphan kerap pidun po puta CM Deb ningje.
World Challenge Cup along non helo alang kechengsi gold kelong dun. Alang long coach Bisheshwar Nandi si kidun.
Rio Olympics kijut pen alang Anetrior Cruciate Ligament (ACL) keso kelong ajok surgery klem nangkok lo. Alang ningkan hini doji sangdet aphi puthot FIG World Challenge Cup along chepate dunsi gold chepalong dun.
Kedamtang Rio Olympic alongta alang qualify chepalong dunsi women’s vault gymnastics finals along pli angdeng an chepale dun. Indian female gymnast angbong ke alang detlang Olympic along qualify dun un.
2014 aningkan Glasgow along Commonwealth Games kachepate dun ahut Dipa bronze medal long dun. Indian female gymnast angbong ke alang helo Commonwealth Games along kechengsi medal kelong dun.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives