ADVERTISEMENT

This area is available for advertisement. Please contact for details.

Arnivang
Get Adobe Flash player

East Karbi Anglong Inter Church Football Tournament kapangcheng

IMG-20180709-WA0004DEN ARONG, Jakhong 9: Pini arnikangsam pen Den Arong Etpo Taro pathu aklam along East Karbi Anglong Inter Church football tournament pen-pen cheroktok amai kedeng kapangcheng. Dokmoka Etpo Taro pathu aklam along East Karbi Anglong Inter Church Football Tournament lapen kechothap kangrikangkrang meknolangno, kaheno raki ahormu kecho pen kachingraiji aphan akemang pen-pen pacherap cheroktok amai pen football pathu bilo. Sarmen Hanse pensi alohi pachini apor en. Kapathu kecheng kangpu amai along alohi sarpo aman peng pen Rev Lorance Ingti, phapangjang aman pen Hydia Newton (Project manager) William Sangate, Healing West Project (medical officer) Sabin Rongpipi pen danglok Diphu Christian English High School a principal Moses Hanse, pastor Josua Hanse, Ananta Tokbi, Semsing Killing lapen pinang an mondoli jabang atum chetongdun.
Non kithurmi a-ove atum aphan koson pensi raki kecho ahormu pen kapachelo thekjima aphuthak anparta mobile ke otkrei pen kaheno apham kachedande detji aphuthak pathu chengche aprang ghonta isi apor an kacheton dun alohi atum pen than pajirmi.
Kechensi kapathu Hidibonglong BC Youth pen Etpo Taro BC Youth angbongsi chepho lo. Pathu chengdet pen minute 20 kele ahut Etpo Taro aterank pen kapathu bangphu Malong Kiri Killing pen Hidibonglong aphan ball ipum thap. Bangso aphijong Budha Taro ta ipum thap thu pen kechengsi angkung kapathu pajut lo.
Hini angkung kapathu ahut Hidibonglong aterank pathu bangphu atumta kachiting krup ajok Harklis Ingti ball pum ni chitu lo. Aphisi pathujut po dokdok ahut Etpo Taro aterank pathu bangphu Budha Taro ball ipum thap thusi Hidibonglong BC Youth aphan Etpo Taro BC Youth atum 3-2 pen parem det lo. Pathu esek Roton Ingti, Sar-im Teron, Birson Kramsa lapen Jirhon Terang atum pensi langchari dun lo. Labangso ajaimek community and development atum pensi kedeng.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives