ADVERTISEMENT

This area is available for advertisement. Please contact for details.

Arnivang
Get Adobe Flash player

BJP KAAC kachari amo kevangve: ASDC

KHERONI, Jakhong 9: BJP KAAC kachari pen BJP Assam government kachari atum amo kevangve puke aphi ong klang onglo. Isi pen isi ke ingsai jokplot lo, ili atok ano kedo arat Karbi pen chenglok kaprek-kaprek atum anta chechinirep po tahai. Setame, ahoi kedo aratsi chechini muchot lo. Lasonthotsi Chinthong MAC constituency arlo Umru-II pu adim Assam Police personnel pen border outpost (BOP) kibiji pura sai pangchenglo. Kikim kerang ahormu keroi pangchengsi elong adim ington dambom lo. Laso ahut Meghalaya a chomang atum Meghalaya a police chevanpaksi arplung et lo. Karplung ahut Meghalaya asor kaningje ke ‘dak ke Assam kali Meghalaya alongle, lasi nangtum ladak ke jat asonta sonse longle, thur non dam non pu amat sai jokje kikim kerang atum ke chevang nang ruklo’. Bangso aputhak hadak kedo arat atum chepengsi laso aningkan kedamtang There niphai 26 arni Hamren along Superintendent of Police arideng pinpur alo pajir dam lo. Puthot Jangmi niphai pli arni lethot ta KSA pen AAGSU atum chepengsi Hamren a deputy commissioner arideng pinpur alo pajir dam thu lo. Ahoi kedo arat lapu-an klem bom ahut anta BJP KAAC, BJP Assam government atum ano kangthong chekrongdet amat doklip-klap.
“Netum BJP a ratpangri  ke un-e lo” pura rat akengri chethan thu dak non. Rat nang pangsai aling nang pangsai lonang, seta nang chethe ejeng kedo ako achar achur pen hang dun parai perui tha. Avelo Karbi Anglong longri-longpat, langroi-langjeng, havar-hapat, biri-bithung, bang nang parlo laplo pusi ASDC Hamren District Committee pachethang chunbang Chandra Rongphar tokjir pen birta nangpale.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives