ADVERTISEMENT

This area is available for advertisement. Please contact for details.

Arnivang
Get Adobe Flash player

AGP jabang atum aphan kedeng

Dima Hasao song amaipi  kangni along suri-suri armu kacheto dun

GUWAHATI, Jakhong 9: State adangpi kaprek-kaprek adim along asonthotsi Dima Hasao along ta Assam Gana Parishad (AGP) asong ajakong chepangtang un lo. Pini Dima Hasao along song amaipi apharman Guwahati pen kapangno AGP jabang atum meiphu Atul Bora, klem meiphu Keshop Mahanta, sankur chunbang Dr. Kamalakanta Kalita pen danglok ongdung jabang atum aphan penang an Dima Hasao arat atum deng. Langting along suri sose armu kacheto amaipi along AGP asong jabang atum aphan kedeng lapen district arlo regoinal asong ajakong kapangtangji aphan cherai. Kedeng amai along AGP ameiphu lapen minister Atul Bora kejaike AGP asong ke dhorom pathethe lapen regional aphan kelang kanghon kapachingbar ajok sankur arat atum kacherap-kacheto pensi AGP asong ingtang lo. State adangpi kedo-an khei barim atum hamphang lapen ratchari keraikomji aphan AGP arpu do pu meiphu Atul Bora ningjesi state apharman chingri pet pen kedoji aphan choningri. Meiphu Atul Bora kaningje thuke isi keraikom lapen Assam aphan jakong kapabatji aphan kachingthur ahin ansose ardi pi nangji pusi ningje. Regional atumke virve pu ningjesi detpi arlo regional atum penang an ardi kedo ason deng lo pusi Keshop Mahanta ningje.
Mai along Devraj Debragede, Debojit Thaosen, Prasanta Warisa, Jet Nunisa lapen district along AGP meiphu chunbang atum pen danglok ongdung AGP asong along kacherap dun jabang atum chetong dun. Penap Jakhong 10 arni puthot Haflong along AGP klembang amai along ta AGP tiri jabang atum chetong dunji.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives