ADVERTISEMENT

This area is available for advertisement. Please contact for details.

Arnivang
Get Adobe Flash player

69 angdeng Akhil Bharatiya Vidharthi Parishad keseng arni katalon

Diphu, Bokajan, Howraghat lapen Kheroni along alir alon pen katalon

IMG-20180709-WA0018DIPHU, Jakhong 9: Pini Prinkia Lodge conference hall along ABVP Bokajan aro patirpisi 69 angdeng Akhil Bharatiya Vidharthi Parishad keseng arni katalon. Keseng arni pacheton dunsi inter school quize pen extempore speech chepate along pangrumpet hum 12 a school atum chepate dun. Quize chepate along Love Deal English School si kechengsi angdeng anong-eh chepalong dun lo, Pranav Vidhyapith pen adunthu anong-eh long dun lo lapen Vivekananda HS School pensi kethom angdeng anong-eh chepalong dun lo. Lasonsi extempore speech along Pranab Vidhyapith School si kechengsi angdeng anong-eh chepalong dun lo, adunthu angdeng anong-eh Rose Mary School si chepalong dun lo lapen Shantunikatan English School si kethom angdeng anong-eh chepalong dun lo. Kehai dun atum aphan kachetong dun alohi atum arideng pensi nong-eh pajir lo.
Nong-eh keron amai along state cherap chunbang Sujata Gohain alohi sarpo aman peng pen chetong, Bokajan a MLA Dr. Numol Momin chopha alohi aman pen chetong dun pen danglok MAC Mukut Mahanta, EKAC athanbang Presanjit Gogoi, Vivekananda HS School athanbang Apurba lapen ABVP East Karbi Anglong district convenor Binud Terang atum chetong dun. Kehai dun atum aphan kachetong dun alohi atum arideng pensi nong-eh pajir lo.
Lason thak thaksi Kheroni Chariali Navodeep Junior College along ta ABVP Kheroni aro ahamphang atumta katalon along pacheton dunsi locharli klimsomar atum aphan arjan kihi pen chenglok quiz chepate bi. Rat amai along ABVP Kheroni aro ameiphu Rajesh Yadav si mai chepahemphu. Hamren a ADO Mushtafa Salim Ahmed, Udali College Hindi subject thanbang Dr. Shivjee Chouhan, Navodeep Junior College a Principal Brijash Sha, ABVP Karbi Anglong a Convenor Jiten Bey atum alohi aman peng pen chetong dun.
Karbi Anglong alongri pen non kethurmi ovekimi atum aphan koson abidi pensi loh charli ahin kangthur thekjima aputhak than. Athe, Karbi Anglong alongri penke aningkan vang HSLC, HSSLC satlang ketok angthek kememe anparta  loh kethek aphai jongsi jumhek pulote longri kangthurji aphan tikuk vek po. Lasi, ilitum Karbi Anglong alongri pen non kithurmi atum loh charli ahin kangthurji aphan kethek kere pen danglok loh kethek abangphu/phi atum pen apo/api lapen thanbang atum ardi kipi akenangsot puta kachetong dun alohi atum pen jai.
Bokajan, Kheroni lapen Howraghat along katalon dun asonsi Abvp Diphu aro atumta Diphu, Lorulangso Rangsina Sarpo cultural auditorium hall along 69 angdeng song kaparjap arni alir alon pen talon dun. Katalon jaimek ateng adap porphai 8 pen ABVP Diphu aro ameiphu Probhat Tokbi arideng pen song alama ingthur. Ladet aphi charli osomar angbong quiz pen lamjir ketok chepate paman. Nong-eh kapajir amai along meiphu Probhat Tokbi pensi chepahemphu. Mai along Diphu Govt. Girls a principal Amitabh Shome alohi sarpo aman peng pen chetong dun, chopha alohi Red Cross Society Karbi Anglong Branch a secretary junior Thengklong Rongpi chetong dun. Quiz pen lamjir ketok along Tiny Tot School a associate teacher Pravin Kumar Shapen Calvary Home Acadamy athanbang Bapuram Timung atumsi ingsai dun lo. Quiz chepate along Jari Teron School along kacharli Thong Teron pen Arun Puma atumsi kechengsi angdeng anong-eh chepalong dun lo, Diphu DAV School pen Kaisong Bey pen Sarmon Rongpi atumsi adunthu anong-eh chepalong dun lo lapen Manja Jari Teron School pen Ruptalyn Kropi pen Wilson Rongpi atumsi kethom angdeng anong-eh chepalong dun lo. Lamjir ketok along Christian English High School along kacharli Angri Singnar si chepalong dun lo pen adunthu anong-eh Charkle Ingti si chepalong dun lo. Kachetong dun alohi atum arideng pensi nong-eh pajir lo.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives