ADVERTISEMENT

This area is available for advertisement. Please contact for details.

Arnivang
Get Adobe Flash player

State adangpi phant 1.82 amonit aphan anchot lang mesen kijun alang avarsai kipithek

GUWAHATI, Jakhong 8: Detpi kejokvan ningkan 70 soselo setame Assam along pini arni anta mesen kijun alang avarsai pithekthe lang. Assam along phant 1.82 amonit atum aphan ansi ahem along ratpangri atum kijun alang avarsai kipi dam un. Assam along non anta phant 98.18 atum aphan mesen kijun alang avarsai pi un-eh lang. Mesen kijung alang avarsai aphanke abangphu/phi tin atumta kelongji aron do. Setame Assam along aningkan-ningkan laso mesen kijun alang aphan madu aratrpangri atumta avarsai kedengde det ajok lakh-lakh amonit atum langroi-langjeng lapen langteng langcheho alangsi jun nanglo. Kilik apor ahut asitin aratpangri atumta mesen kijun alang avarsai nangpipo pusi lamchak chipi bomlo setame ratpangri sengdet aphi penke laso aphuthak ardi pipe det titilo. La anchot ta kali ratpangri atum laso aphuthak ason-ason scheme dengsi tangka lobomlo setame laso atangka contractor pen saiphu atum chopanglim bom lo. Report kelong atengke Assam along bang 3.5 crore atum angbong non amatke 88,099 mesen kijun alang a scheme parlo ponlo. Sarbananda Sonowal kechari BJP aratpangri atumta kedamtang kilik aprang state along mesen kijun alang avarsai dengpo pusi lamchak chipilo setame pini arni anta thang a scheme kedeng avelang. Isi –hini a scheme kangpu dolo setame rat atum thang ale longle detlo.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives