ADVERTISEMENT

This area is available for advertisement. Please contact for details.

Arnivang
Get Adobe Flash player

KASA kaparlo sub association atum aphan cheque keron

IMG-20180707-WA0018DIPHU, Jakhong 7: District Sports Officer pen Karbi Anglong arlo kapathu ahin kangthur ponji aphan bor-isi aningkan vang ason-ason kapathu ahormu pen danglok tangka maha ahin rap bom lo. Lasonsi pini ta KASA lapen KASA kaparlo sub association atum aphan ason-ason kapathu ahormu lapen tangka sika 50,000 a kerap pajir. KASA ameiphu lapen KAAC CEM Tuliram Ronghang kachepahemphu keron-kebak amai along KASA kaparlo amen kachethap tang (registration) 50 sub association atum aphan isi-si sub association atum aphan sika 50,000 a cheque lapen kapathu ahormu pajir dun. KASA aphanke sika lakh isi a cheque KASA sankur chunbang Pankaj Teron si deng dunlo. District Sports Officer Relipson Ronghang kado kave asai patipi lo. CEM Tuliram Ronghang kejaike, sai keklem ajutang pen kapathu ajutang ahin kangthur ponji aphansi bor-i lo, lasi laso ajutang along cherap-cheto dun nangji lapen bidi-sore do-anta nangchepachoi dun nangji pusi CEM choningri. Alangli kaningje thuke kapathu ke isi e-ok epran aphanta mesen asai. Lasi kapathu ahin kangthur ponji aphan sub association atum aphan ta kerap pajir lo. Jongsi sports along budget atangka pabat pulote ningkan hini angbong isi-si sub association atum aphan sika lakh isi atangka lapen kapathu ahormu kerap pajirji pusi lamchak chipi. MLA Dr. Mansing Rongpi pen danglok EM MAC lapen KASA along kacherap dun abangphu-bangphi atum athengno CEM kejai thuke non nangkeleji Matijong achiklo angbong KASA pathu aklam ta ingpupo lapen CEM Gold Cup ta bi phit po. Lasi non ephong abangke international angdengsi bipo. India adet pen tebok-terai adet, Nepal, Sril Lanka, Thailand, Bangladesh heihui adet atum aphansi kapathu aphan pha po puta CEM Ronghang ningje.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives