ADVERTISEMENT

This area is available for advertisement. Please contact for details.

Arnivang
Get Adobe Flash player

Kangthilangso aphuthak HTL, KAKA, KKA pen puthot pinpur aloh kapajir dam

IMG-20180708-WA0010Diphu, Jakhong 7: Atumi Jokhong 7 adap HTL, KAKA, KKA lapen Rong Asar atum chelangpet Karbi Anglong Autonomous Council a CEM Tuliram Ronghang arideng Kangthilangso alamki aphuthak pinpur aloh pajir dam. Laso ahut penang an alam hin-hin angbong chingki-chethan. Chiklo ejon plengdet ta Kangthilangso alamki aphuthak kenep thap ingtonte. Lasi prapjin pen pangton nang po.
Kenep kangnang kangtonte det ajok haladak kedo adai kave rong sai kachotiki arat atum kedo-kedam pen chenglok sai kachotiki, hithi-borva kedam, charli osomar atum school kidun katora thedung lo, anparta pinsomar atum ajo hem kachedo haihe pen chenglok arni kaphere pensi do nang lo. Lasi katarlip asai ingtonsi aprang ateng atemon pavang thu nang po puta hamphang asong atum pen  CEM aphan pachini lo. Kaphere ajoine sai kachotiki longle det Mahamaya pen Nomati arat ahidi along Karbi Anglong Autonomous Council pen sai tiki pi nangji pusi hamphang asong atum hang.
La-an chot kali Kangthilangso along madu akumlin ta selam longle lapen langsun amenta lar longle puta pinpur aloh pen pachini. Huni kepho adim along chiklo ejon pleng etlo ta pini arni madu arleng kethe minister, MLA, CEM, EM, MAC atum humri dam abang ave pin lang. Lasi prapjin pen humri dam nangji pusi pachini tekang.
Assam a chief minister pen laso aphuthak chingki etlo. Lasi prapjin pen kenepthap ington po. Kiri katarlip non ni ni-ni thom angbong tang po. Laso aphi lote kai ateng dam long po pusi SP pen chingki det aphi CEM pen lamthak pidun.
Nomati MAC Ritesh Inghi kapachini ateng hai bai pibom lo. Lason thotsi Mahamaya MAC Lunsing Teron aphanta than long lo puta CEM than pusi birta long dun.
Honi kepho adim along Karbi aron ateng kecham kapangthir asai klem nangji puta hamphang asong atum pen pachini tekang pusi birta long dun.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives