ADVERTISEMENT

This area is available for advertisement. Please contact for details.

Arnivang
Get Adobe Flash player

CM arideng pen CyberDom Projector kangpu

Assam police digital kachingthur pen police aphan penang an akerap dopo: CM Sonowal

GUWAHATI, Jakhong 8: Cyber Crime kekhang thekji aphan pura Jakhong 7 arni Assam chief minister Sarbananda Sonowal arideng pen Guwahati Kahilipara Assam police special branch along CyberDom Projector ingpu. Laso ahut chief minister Sonowal kaningje ke, 21st century along Science pen Technology asai keklem kachingthur ajok digital akai cheman lo. Digital akai ahut police atum ta longri apharman keraikom lapen sai langhno keklem heihui khang un po. Cyber kirim atum internet ale cho-en pen hamphang along sai langno pachoklem un-eh detji aphan kado-kave atumta arpu dengsi sai keklem paprang nang po pusi chief minister Sonowal ningje. Alangli kaningje thuke CyberDom Projector ke prime minister Narendra Modi akemang smart police kapinchongji aphan kabor-i along ilitum ta aro-arim mandun lo. CyberDom Project kedeng chun pameka pulote Assam police pen kechokche mate adai kedovek atum aphan technology pen pangthek mepo. Lasi CyberDom Projector pen cyber crime heihui kekhangji ahin penang an akerap long po puta chief minister Sonowal ningjesi internet service mesen pen ensi state along sankur arat angbong monsam lapen kachingri amongve kevanji aphan choningri. Projector kangpu ahut ADGP Kuldhar Saikia, Police Special Branch director general Pallav Bhatacharya, IPS pen danglok ongdung police asaiphu atum chetong dun.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives