ADVERTISEMENT

This area is available for advertisement. Please contact for details.

Arnivang
Get Adobe Flash player

CEM Bhomkuru arnita sangsesi kaprek-kaprek sai keklem bom adim kelang dam

IMG-20180708-WA0026Diphu, Jakhong 8: Karbi Anglong Autonomous Council a CEM Tuliram Ronghang lapen arisangho EM Amarsing Tisso, MAC Ramsing Timung, PWD Additional Chief Engineer Pawan Terang, AEE PWD Raju Timung atum todap adap apor Diphu ahithi arlo tovar kapathe asai lang dam. Tovar kapathe aphan ajahak kaparure kedokok lang aphuthak CEM ningkangsamse chepaklang. Sai keklem kapachok limji aphan ke langdingde. Ekeng pen kedam atovar (Footpath) along tiles kedenji adim ta alangli methang amat chethurplutsi phita ot dun pen pun dun lo.
Sai keklem mesen nangji lapen apor ateng patang vek nangji puta alangli kapinkhat paso. Laso ahut KAAC principal secretary Mahadananda Hazarika, deputy secy. Michael Timung atum ta chetong dun.
Laso aphi Bikaner Mistan Bhandar Hotel along ingnisi saiphu atum pen malomso aphan mai ingnilin. Laso asai penap pen amat pangchengji lapen kechengsi ke first police point pen Matipung adak atovar aphan ajahak ahem paru nang po lapen hithi irui angbong patang nangji. Laso asai PWD pen Revenue asaikam pensi klem po puta pachini tekang. Laso kachingvai along Water Resource saikam executive engineer Miji Kro, DFO Jaganath Rongpi lapen kaprek-kaprek asaiphu pen saikhi atum chetong dun.
Anerlo apor CEM Tuliram Ronghang lapen arisangho atum Diphu ahithi angkang RCC adong kaselam along lapen kaselam bom Karbi Anglong Aquacentric along ta lang dam.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives