ADVERTISEMENT

This area is available for advertisement. Please contact for details.

Arnivang
Get Adobe Flash player

CAB aphuthak JN(U)A kekhamkhe, Delhi along JD(U) ardi dojot kacherai

GUWAHATI, Jakhong 8: Assam Accord aphan arkansi 1971 aningkan aphi kevang aronre Hindu Bangladeshi aphan dim kepekji aphan pura Citizenship Amendment Bill 2016 aphuthak state adangpi rat kachesong thurpak apor ahut labangso a bill aphuthak pini national level along Nitish Kumar JN(U)A asong atum ta aseh angtong chipi lo. Pini Delhi arongsopi along tiri klembang amai pangnisi khei kapavirji aphan kedeng Citizenship Amendment Bill aphuthak khamkhesi penang an ardi kedo aphuthak cherai. Ratchari ale aphan tiri ratpangri kapangdak a bill detpi arlo dharam kejokvan (independent) ahin kaphere meme ang-ang kedo ason lo, lasi laso aphuthak Delhi parliament angtan-arlo anta labangso a bill aphuthak chesongji pusi pini JN(U) A tiri klembang amai kangni ahut cherai. Pinpurme laso aprang labangso a bill aphuthak aseh angtong kachipiji aphan Shiv Sena atum cherailo. AGP abitung isi atum labangso a bill aphuthak kekhamkheji aphan pura Shiv Sena jabang Udhab Thakre pen kachingvai amai ingni linlo. Laso aphi Shiv Sena atum labangso a bill aphuthak aseh angtong chipiji pusi pangdak lo. Lasonsi kedamtang Aru 16 arni Patna along Bihar chief minister Nitish Kumar aphan loh charli asong bitung isi atum chetong damsi laso a bill aphuthak chingvai lo lapen khei kapavirji aphan kedeng labangso a bill kangthanji along nangcherap dun nangji pusi chief minister Nitish Kumar aphan loh charli asong bitung isi atum chonigri lo. Loh charli asong pen kachingvai amai pangni det aphi pini Delhi along Janata Dal United national klembang amai pangnil o. Laso amai along chedonsar pen dharam kejokvan aphan akisung kevanji meme lapen Assam along kedo kapathir atum aphan ajutang-jubat phurkimo aphan akisung kevanji meme labangso a bill aphuthak kekhamkheji aphansi cherai lo. NDA aratpangri along kacherap dun JD(U) A atum labangso a bill aphuthak kekhamkheji aphan kacherai ke tiri ratpangri aphan labangso a bill kedengji along akisung do po.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives