ADVERTISEMENT

This area is available for advertisement. Please contact for details.

Arnivang
Get Adobe Flash player

Pini BJP Council kachari ningkan isi kepleng lo

Diphu, Jakhong 6: Jakhong 7 arni BJP kilik hai det pen Council kachari ningkan isi kepleng lo. Sabka Sath Sabka Vikash pu athepi ensi ningkan isi angbong penang an CEM Tuliram Ronghang kejalin KAAC atum pen sai keklem angthek paklang lo.
‘Sath Sath Ek Sath’ pu athepi CEM Tuliram Ronghang cheselamsi kado kave EM pen MAC anparta Engineer, saiphu atum an aphan chelangponsi Team Karbi Anglong selamsi chelangpet sai klem lo.
Ningkan isi angbong Team Karbi Anglong atum pen Constituency tin along kachingthur asai dengsi Vikash Utsav amai pangni lo. Seta non amat Lumbajong pen Dhansiri constituency along Vikash Utsav amaipi pangnine lang.
Karbi Anglong Autonomous Council a CEM Tuliram Ronghang sai keklem ajutang kapachanji aphan pusi amethang pen amat sangse pin sai keklem angthek paklang lo. Laso ahut alangli kaprek-kaprek sai keklem apor ateng tang nangji lapen asai mesen nangji pu mathasi ajo phirlo seta sai keklem adim along humri dam pen sai keklem chelang dun lo.
Ningkan isi angbong Diphu Amlapathy atovar, Diphu KASA pathu aklam international angdeng kapathu un a kapathu aklam selamsi ingpu lo. La-an chot kali alkatra pen arlong kapangvui akor Diphu Manja atovar 7 mile along pangnisi ingpu lo. La-an chot kali West Karbi Anglong Dongkamukam along isi kethetan pathu aklam selam lo. Laso angbong Diphu River Cleaning Project abang ke ningkan isi angbong patangji pusi pangdak seta pin arni anta ketangji angthek thek longle lang.
Ningkan isi CEM Tuliram Ronghang kejalin BJP kachari Council ahut akimi Secretariate hem, Legislative pen Member Hostel heihui ahem kethe Karbi Anglong arongsopi Diphu along ingpu lo. La-an chot kali tangte lang seta Diphu Town Beautification, Matipung kedam atovar anat Arboretum cum Craft centre paklem bom lapen lason thak thaksi Karbi Anglong district hini angkang crore-crore kachingthur asai klem lo.
Alangli asai keklem atengsi cheparoka lo, kedamtang ningkan 15 Congress ahut keklem tekang pen ningkan isi angbong Tuliram Ronghang kejalin BJP kchari Council atum klem lo.
Pinpurme, Penap Karbi Anglong Autonomous Council secretariate akimi meeting hall along BJP Council kachari ningkan isi kepleng talonji pusi birta long dun.
Ningkan isi Team Karbi Anglong atum pen sai keklem kachiting ajok Karbi Anglong angkang thedung kachelar thek long lo. Pining kachingsi aningkan lang lapen sai keklem kemesen ajok kachingthur asai keklem aphuthak kasorsar dun atum ta jumhek asonsi thek long.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives