ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong Childline ingpu etlo

IMG_20180706_213925Diphu, Jakhong 6: Pini porphai 10:30 apor pen Diphu Rongkhelan Jirsong Asong along Karbi Anglong Childline kangpu amai pangni.
Karbi Anglong Addll. SP, Diphu Railway Station a superintendent, Diphu Diocese a Bishop Rt. Rev Paul Mattekatt, Don Bosco College a principal Fr. Johnson Parackal, District Child Protection Officer, Child Welfare Committee chairman pen klembang, Social Welfare asaikam pen kachetong dun, kachelang rappet Dimapur Childline, Integrated Child Development Scheme, Sarva Siksha Abhiyan atum pen chenglok kaprek-kaprek man kedo atum athengno Karbi Anglong a Deputy Commissioner Mridul Kr. Mahanta arideng pen pangpu et lo.
Adap apor kachetong dun alohi atum aphan kapachini pensi kangpu ajaimek pangcheng lo. Karbi Anglong Childline Coordinator kachepahemphu amai along Jirsong Asong a director Dr. Father Tomy Palely kedeng alamthe jai lo.
Mai along kachetong dun Nagaland Nodal Director lapen Childline of India a Governing Board Member  S. Longkumer Childline 1098 akemang lapen aphurkimo thihek pen than.
District arlo osomar atum kejokvan lapen keraikom nangji anparta Karbi Anglong Childline atum along un-an cherap-cheto dunji pusi Karbi Anglong a Deputy Commissioner Mridul Kr. Mahanta mai along jai.
Kelana kenangji a osomar lapen kisung a osomar atum keraikom nangji ke kado kave atum along ta arpu do puta DC Mridul Kr. Mahanta mai along jai.
Karbi Anglong Childline Karbi Anglong Centre a Coordinator Bulu Terang kachoro alamthe pajirsi mai pachekak lo.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives