ADVERTISEMENT

This area is available for advertisement. Please contact for details.

Arnivang
Get Adobe Flash player

Inghoi 48 achokamar aphan ongdung loh kethek okkarjang atum choningri aloh kejok dun

IMG-20180706-WA0033Diphu, Jakhong 6: Irrigation asaikam pen kado kave 48 chokamar anghoi aphan kapaplengji aphan paklang lo.
Chokamar anghoi aphan kedamtang Vosik 29 Bhomti arni Additional Chief Engineer Zone VI Irrigation asaikam pen pachethang lo. Laso aphi loh kethek a ok-karjang (Youth) atum chimitme pin pen kachoningri aloh chojok dun lo.
Loh kachojok dunji aphan pusi pharo-pharo apor chepadam pen document heihui zerox si chojok dun lo. La-an chot kali ajahak atum ke Employment Exchange along men kachethap dam ta chejeng tutsi thek long.
Pinpurme, Karbi Anglong arlo loh kethek atum arnivangsi nang kebat seta chokamar anghoi kipi kijumhek ajoinesi lapuson angthek klang lo. Ongdung chokamar anghoi aphan choningri aloh kejok dun atum kelongjine kelonglejine seta anuttin ta longji mene pu ning chepathesi loh chojok dun lo.
Pinpurme, thume industries kave lapen beha kachoklemji aphanta atovar kave det ajoinesi voreng kave loh kethek a ok-karjang boihup lo. Lasi lahai aphuthak Karbi Anglong ajabang atum pen kamatha kaparsik nangji kenangsot binong lo, voreng avarsai kave ajoinesi ongdung atum kaprek-kaprek kaheno akrong kengkam chejor lo. Jongsi lapusonsi dobom pulote kevangji arni ke Karbi Anglong atemon henodak khangjangjisi angring dolo pusi ongdung kacheroktok arat atum ningje.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives