ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu ahithi kelangme nai ahithi kapinchong along kacheto dunji aphan SGB do-an mai kangni

IMG-20180705-WA0009Diphu, Jakhong 5: ‘All Karbi Anglong Sarkari Gaon Bura Association’ a sankur chunbang Dorsing Terang Diphu Town kaparlo SGB do-an atum pen mai kangni.
KAAC CEM Tuliram Ronghang Diphu ahithi aphan kemenai ahithi kapinchongji pu amang kaheman alamthe aphuthak chethan-chimun. SGB atum aphan KAAC  aning chethe pik, lasi apor-apor KAAC pen kangthirnai arong kelangdamji aphan pusi SGB atum aphan ‘exposer trip’ pon lo. Lahai adim langdam pen amethang ahavar ta chepangthir-et thek po. SGB ke rat kapangri lapen sorkar ahukum karju abang, lasi lasonthot rat aphan kelang keme ke ave. Ratchari ahin pen langchari un tahai, bonta isi angdeng chot. Kedamtang ningkan hini aprang Diphu Town Committee atum pen PHE pen SGB atum aphan Clean Diphu Committee kapasengtang amei atum pini pen klem pangcheng nang po pusi Dorsing Terang SGB do-an atum aphan pachini.
Clean Diphu Committee meiphu Purno Taro pen chunbang Ramesh Teron atum aphan AKASGBA sankur chunbang Dorsing Terang kachechak ke prapjin pen town committee atum pen chingkisi Diphu Town kapangthir-etji aphan town committee lapen kaprek asaiphu atum pen chelangsi isi master plan mate sodak aron kapaselamji aphan bor-i po puta Dorsing Terang mai along pachini.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives