ADVERTISEMENT

This area is available for advertisement. Please contact for details.

Arnivang
Get Adobe Flash player

Tovarpi arai Karbi atumta chojor cholan duntheklo

Tovar araiDIPHU, Jakhong 4: Chojor cholang ahin Karbi atumta nonke paphi dunde lo. Aprang ason katherak kaphere pu abangke ning arlo pen prai bomlo. Laso ajoine nonke ajat abeha ahinta Karbi atum kengkam chejok duntheklo. Han parvo, ok kejor, peh-ri, lek-roi kejor, borop-icecream, him kejor pen danglok, tovar kaselam, hem kikim lapen chu kangtip, hemai, thela kangdoi  along anta Karbi atum amohor thek long tanglo. Seta Karbi akhei jasemet pet beha keklemongdung Karbi atum ning kachepaningding abang charli nanglang. Jongsi ning chepaningding abang chekhang thek pulote akai dingpi anta beha klem thekpo lapen chingthur dun thekpo. Pinpurme ningkan 20-30 aprangke beha keklem ahin Karbi atum kachejok dun jumpik lang setame nahokle do-damta a-ok kejor ahan kejor pen danglok ason ason kejor thek longji. Lason thak thaksi nonke gari-motor kacheleng kachimitme tovarpi alongta chojor cholan dun hailo. Bonta aprangke gari-motor kaphere tovarpi pen ko-anma kahelo la-ansi aning karongthulo setame nonke hulaso akai damtanglo. 

Pinpurme Manja pen Bakalia adak jasemet pet Singhason Constituency kaparlo NH-36 tovarpi arei nonke penang an adim Karbipi atum ason ason kecho ahurmu chojor cholan dunthek lo. Dungkek, henru, hen-up, tara, hanche, hen, phurui lapen ason-ason han parvo anparta parok jangphong, thengthe, phinu, jangphong, tharve, tangpijuk athe pen danglok ongdung thesere kejor kelan dun thek dun long. Halapu Kaziranga atalom NH-39 tovarpi arei alongta Karbipi lapen osomar atum ason-ason ahan parvo lapen thesere chojor dunthek tanglo. La anchot ta kali lang ok kiri apor ahutke lang ok ta chojor dunthek lo. Ajo anarlo suri-suri a gari-motor kacheleng halabangso NH-39 tovarpi along alanglitum lapuson abeha kachoklem dunthek abangke ale ta longlo lapen chojor cholang ahinta kengkam chejor dunthek lo.  

Lapuson jongsi therakre pherere pin pen anutin Karbi ta beha keklem ahin chejok dunthai thek pulote mo arnisi chingthur vekji lapen imithang alongri alongke imithansi beha keklem ahin dongthor po. Angtan pen kevang atumke sai jokje chedam nangkok po.  

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives