ADVERTISEMENT

This area is available for advertisement. Please contact for details.

Arnivang
Get Adobe Flash player

BJP-EKADC pen Ramsing Ingti arong kachevoi apot ningduk kachipi

Diphu, Jakhong 4: Meiphu EM Roton Teron chepahemphusi pini BJP, East Karbi Anglong District Committee atum amethang asaihem along EM barim Ramsing Ingti arong kachevoi apot ningduk kachipi amai pangni. 

Ramsing Ingti karli ningduk kachipi amai along BJP EKADC dun meiphu Bharat Kr. Timung lapen Seema Ronghangpi, Secretary Madhuram Lekthe, KAAC Deputy Chairman Ritesh Inghee lapen song klembangphu-phi atum chetong dun. 

Mai along kachetong dun ratchari asong ajabang atum penang ningduk alam chethan lapen Kt. Ramsing Ingti ahem asor atum apharman ahirjume hangpi lo. Mai along karlitang Ramsing Ingti akarjong chom rongme kerap pame thekji aphan pusi minut isi arnam ardom pilo. 

1951 aningkan Arkoi 1 arni amahang thek lo lapen 1984 aningkan ratchari asong aphan chikikesi Langpher Constituency along amethang jongjung (independent) pen kilik chedan dun lo. Kilik chepahaisi alangli Karbi Anglong District Council along Revenue lapen Taxation a EM arpu deng dun lo. Laso aphi ASDC atum kachari ajakong kelong ajoine alangli puthot 2001 aningkansi MAC kilik chepahai thu lo. 2001 aningkan MAC kilik alangli Lumbajong Constituency along Indian National Congress asong ahin pen kilik chedan dunsi chepahai pen Agriculture lapen Town & Country Planning a EM chepaman lo. 

Diphu Co-operative society, Diphu Cotton ginning and Other Crop Co-operative Society Ltd heihui alongta alangli cherap dun pusi BJP-EKADC dun meiphu Bharat Kr. Timung pen ningduk kachipi amai along jai.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives