ADVERTISEMENT

This area is available for advertisement. Please contact for details.

Arnivang
Get Adobe Flash player

Tuliram Ronghang mena ajakong kachechinine ajoinesi DGC lamki virve det lo: KSA

Council kachari BJP ratpangri atum kapangkre ajoksi loh kacharli tora nang lo

DIPHU, Jakhong 3: Aningkan vang asonsi pining ta DGC along Principal kechokche lapen Karbi loh charli ariso-ejang pasungvekji pura kamatha ajok admission ador kepasoji kabor-i offline pipesi online pen admission envek nangii pura Principal NK Sharma klem ta lo.
KSA lapen klemrappet asong atum lapen DGC charli atum ardi pi pen kachesong ke ot dun thip ajoine si Principal akachenek pen pajok dunlo. Puthot non aphoi seta Karbi ariso ejang aphan loh charli kapatekukji pura kamatha kedo ajok College along seat capacity kedamtang aningkan ateng kali si pining pajum lilo. Laso ajoine penang an loh charli ariso ejang atum men chethap dun longle det lo.
Aphong aphong lamki kedover lapen DGC achokamar atum aphan kapinrem lapen DGC charli osomar atum aphan aphong aphong kepasung lapen non lethot seta Govt. of Assam, Assam Higher Education Department aorder No AHE 353/2013/6. ateng lapen DHE pen College aphan kelo akido No G(B)Misc 30/2012/28. lamtoi lapen council authority aphan kelangplot pen admission pi pedet seta KAAC pen N.K Sharma aphan thang kevi thek the det ke council along anghoi kangni chekelik nangji apotlo.
Ajat seta Govt. College ke loh kacharli ariso ejang aphan si kepanong lapen Karbi Anglong along Govt. College isi vet apotsi kachobai a seat capacity atengle admission kipi nangji kali bonta bonafide applicants ko an ma kedo ateng si admission pi vek nangji. Council kethek the lapen Principal kechokche ajok loh charli ariso ejang aphan adai kipi pedetji aphan si CEM Tuliram Ronghang pen EM i/c Higher Education Jagat Sing Ingti aphan choningri lo. Jongsi loh charli ariso okarjang akisung pen pajok thekthe lapen council ajakong pi thekthe pulote KSA lapen klemrappet asong ingtangrak kachesong deng nang kok po pusi KSA meiphu Simeon Rongphar pen sankur chunbang Thomson Rongpi atum birta pachetak.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives