ADVERTISEMENT

This area is available for advertisement. Please contact for details.

Arnivang
Get Adobe Flash player

Phongni EM kemantang abangphu Ramsing Ingti ave tang lo

Jakhong 4 arni Council kesang arni kipi: KAAC

IMG-20180703-WA0001Diphu, Jakhong 3: Phongni EM kemantang abangphu Ramsing Ingti pini anerlo apor Dimapur Zion Hospital along pen arong chevoi etlo.
Diphu Lorulangso Rongkethe amekar KAAC EM barim Ramsing Ingti kedamtang penang arni pen Diabetes lapen Kidney akeso kacholong ajoine keso kachelangbom lo, seta pini arni anke alangli asangtet kijut kok ajoine arong chevoi jui lo.
Pinpurme, KAAC EM barim Ramsing Engti ke Bakalia Hatipura Dakvam Timung arong along pensi nangthe nang dinglo laso ajok alangli kedamtang 1984 aningkan phong trok council kilik ahut alangli Langpher Constituency pen Indian National Congress pen kilik chedan dun lo. Laso aphi puthot phong 9 Council kilik ahut Lumbajong constituency along Indian National Congress pen 2001 Matijong chiklo niphai 4 akilik along chedan dunsi chepahai lo. Laso aphi 2002 Jangmi 17 arni pen kedamtang 2006, Aru 17 anerlo an alangli EM khi lo.
Alangli hamphang pen kacherap kethepik ajoine non alangli mek kichi ahut anta Diphu Cotton Ginning and Other Crop Co-operative Society limited along chairman dobom ahutsi arong chevoi lo.
Alangli arong kachevoi ahut achor Pratima Beypi lapen asomar bang 4, Pinso-2 lapen arloso-2 atum aphan chepamo tekang.
EM barim Ramsing Ingti arong kachevoi aphuthak Karbi Anglong Autonomous Council (KAAC) pen ningduk angthek penap Jakhong 4 arnisi aphan Council asaikam do-an aphan kesang arni pangdak lo.
Pinpurme, Dimapur Zion Hospital along arong chevoi det aphi kithi tang arpum pini arnikangsam aporsi ahem honthu nang pale lo.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives