ADVERTISEMENT

This area is available for advertisement. Please contact for details.

Arnivang
Get Adobe Flash player

Bokajan along AASAA atum tovar karangkha

IMG-20180703-WA0009Diphu, Jakhong 3: Bokajan Police Station angkang pini anerlo porphai 2 apor malom Sukhanjan NH 39 atovar along All Adivashi Students Association of Assam (AASAA) atum patirpisi ghonta chitim an tovarpi karangkha.
Birta kelong dun atengke inut gunda mafia Umesh Gupta abang AASAA loh charli asong atum aphan junodak pen kapinrem apot alangliphan ghonta 24 angbong police atum nep ingnangsi chelonchit adai en nangji pusi kehang, kali pulote AASAA pen an sose kachesong asai dengji puta chingkrin.
Pinpurme, Umesh Gupta ke inut gunda lapen mafia abangphu, lasi police atum pini arni anta kenep kangnangne det abangke manghu meme alam lo. Athe laso a Gupta ke Bokajan, Khatkhati lapen Dillai Police Station along pangrumpet non an case kre kethom an pleng tang lo seta pini arni anta jui pong lang. Lasi police atumta abesi kidun thurongma pima puta arju.
Tovarpi along Dharna ingni det aphi Umesh Gupta amehphi selamsi tovarpi along kai lo. Laso ahut Umesh Gupta aphan penang lam kanglit pen pinrem lo lapen Umesh Gupta aphan nep ingnang vek nangji pusi hang sarlang lo.
Umesh Gupta inut pen ajok Bokajan ahavar kaike amat nongno van lo lapen rat aphan padosojo an pin lo puta ningje.
Tovar karangkha pen ajok ghonta ebeng angbong nat-nat a gari-motor cheleng longle det ajok malomso aporke rat atum akisung dokok lo.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives