ADVERTISEMENT

This area is available for advertisement. Please contact for details.

Arnivang
Get Adobe Flash player

Tripura along pherangke apran karmut alam pen MLA lapen kaprek bang hini atum aphan CBI kenep

Agartala, Jakhong 2: 2017 aningkan television journalist Santanu Bhowmik apran karmut alam pen bang kethom kachingnang. Bang kethom angbong pen inut ke MLA.
Bang 300-500 doji IPFT klembang atum angbong pen adai kedovek ke bang kethom Indigenous People’s Front of Tripura (IPFT) MLA Dhirendra Debbarma lapen party klembang Balram Debbarma pen Amit Debbarma atum helo.
IPFT ke ruling Bharatiya Janata Party (BJP) pen kacherap a party. Chief minister Biplab Kumar Deb kejalin 60-member Tripura Assembly BJP kachari a government along IPFT MLA bang nerkep lapen Cabinet minister bang hini do.
2017 aningkan Chiti achiklo Agartala pen kilometre 25 kahelo Mandwai along IPFT party klembang atum separate tribal state kehang alam kapaso tovar karangkha asai kedeng abirta ke-en dun ahutsi Bhowmik apran armut det.
Sonsi Pre achiklo niphai 21 arni West Tripura district arlo Ramchandra Nagar along kedo Tripura State Rifles 2nd Battalion headquarter along pherangke klembang Sudip Dutta Bhowmik aphan ta apbop.
Halaso ahut government kachari left front atum laso alam katarlipji aphan special investigation team (SIT) pangni lo. SIT atum bang pli TSR saiphu aphan ingnang lo. Kachingnang angbong pen inut ke TSR 2nd Battalion Commandant Tapan Debbarma.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives